Otandyq áýe kompanııalar jyl basynan beri 5,5 mıllıon jolaýshy tasymaldaǵan
16:17, 12 Shilde 2024
<p>ALMATY. KAZINFORM — Bul kórsetkish ótken jyldyń sáıkes merzimimen salystyrǵanda 17%-ǵa artyq. Bul týraly QR Kólik mınıstrligi málimdedi. </p>
Búgingi tańda aptasyna 640 reıs jıiligimen 53 baǵyt boıynsha 6 áýe kompanııasy jolaýshylarǵa qyzmet kórsetedi.
«Áleýmettik mańyzy bar baǵyttardyń kólikke degen qoljetimdiligi jáne ishki týrızmdi damytý úshin eldiń 9 óńirinde 19 ishki avıamarshrýt sýbsıdııalanady. Halyqaralyq áýe qatynasy týraly aıtar bolsaq, reıster aptasyna 619 jıiligimen 107 baǵyt boıynsha 29 elge oryndalady. Onyń ishinde, Ulybrıtanııa, Vetnam, Germanııa, Grýzııa, Egıpet, Katar, Qytaı, Malaızııa, BAÁ, Taıland jáne basqa elder bar», — delingen habarlamada.
Eske sala keteıik, buǵan deıin áýe kompanııalary bir jylda bıýdjetten 6,9 mlrd teńge sýbsıdııa alǵanyn jazǵan bolatynbyz.