Otandasynyń tólqujatymen Qazaqstan arqyly Reseıge ótip ketpek bolǵan qyrǵyz azamaty ustaldy

ASTANA. QazAqparat - Aqtóbe shekara otrıadynyń «Jaısań avto» baqylaý bólimshesinde shekara narıady Qazaqstannan Reseıge ketip bara jatqan «Mersedes» avtobýsynan 43 jastaǵy qyrǵyz azamatyn túsirip alyp qaldy. Tekserý barysynda anyqtalǵandaı, ol Reseıge kirýge tıym salynǵan adamdar tiziminde eken, dep habarlaıdy QR UQK ShQ baspasóz qyzmetinen.

Bul adam óz maqsatyna eki eldiń shekarashylaryn aldap soǵýmen qol jetkizbek bolǵan. Atap aıtqanda, ózine sýrettegi túri uqsaıtyn 35 jastaǵy otandasynyń tólqujatyn alyp alǵan. QR Qylmys kodeksiniń 392-babynyń 1-tarmaǵy boıynsha jazalanatyn bul qylmystyq is boıynsha ol endi 100 aılyq eseptik kórsetkish kólemindegi aıyppulǵa nemese bir jylǵa bas bostandyǵynan aıyra otyryp, bizdiń eldiń aýmaǵyna bes jylǵa deıin kelýge tıym salýǵa kesilýi múmkin.