Otandastarymyzdy ortaq zańǵa baǵynýǵa shaqyramyn – Senat depýtaty

NUR-SULTAN. QazAqparat – QR Parlamenti Senatynyń depýtaty Qanatbek Safınov eldegi qazirgi jaǵdaıǵa qatysty pikir bildirip, halyqty sabyrǵa shaqyrdy, dep habarlaıdy QazAqparat tilshisi.

«Qaýipsizdik keńesinde qoldanystaǵy zań aıasynda shuǵyl sharalar qabyldandy. Nátıjesinde elimizde terrorızmge qarsy operatsııa ótip jatyr. Sondaı-aq, qoldanystaǵy halyqaralyq kelisimshartqa sáıkes, bizdiń memleket kórshi, dos elderdiń kómegine júginip, qoldanady. Konstıtýtsııaǵa sáıkes Memleket basshysy qazaqstandyqtardyń qaýipsizdigin qamtamasyz etýge mindetti. Al senatorlar QR Konstıtýtsııasy men zańdary aıasynda Prezıdent qabyldaǵan barlyq sheshimdi tolyq qoldaıdy. Osy oraıda óz atymnan otandastarymyzdy ortaq zańǵa baǵynýǵa shaqyramyn. Sebebi halyq únine qulaq asatyn memleket qaǵıdasyna saı qabyldap jatqan Memleket basshysynyń sheshimi máseleni sheshýge baǵyttalǵan», - dedi Qanatbek Safınov.

Sondaı-aq, halyq qalaýlysy eldegi jaǵdaı taıaýda rettelip, kináliler tıisti jazasyn alatyndyǵyna úmittendi.