Otandastardyń qorjyny: ishinde ulttyq qolóner buıymdary bar
Qor 2019 jyly sheteldegi otandastarymyzǵa kómek kórsetý maqsatynda álemniń 21 elindegi qazaq mádenı-iskerlik ortalyqtaryna 87 «Dástúrli qorjyn» jıyntyǵyn tabystady. Qorjyn ishinde qazaqtyń ulttyq kıimi, dombyra, quraq kórpe jáne qazaq turmysyna qajetti qolónerdiń basqa da elementteri qamtylǵan.
«2020-2021 jyldary sheteldegi qazaq mádenı ortalyqtary men birlestikterin ulttyq kıimmen, mýzykalyq aspaptarmen jáne buıymdarmen qamtamasyz etý jónindegi joba pandemııaǵa baılanysty ýaqytsha toqtaǵan bolatyn.
2022-2023 jyldary álemniń 17 elindegi 43 mádenı ortalyqqa Qazaqstan Respýblıkasynyń Memlekettik Týy — 138 dana, ulttyq kıim — 457 jıyntyq jáne ulttyq saz aspaptary — 178 dana tabys etildi», — dep jazdy Qor ujymynan.
«Qorjyn» alǵan aǵaıynnyń ishinen RF Altaı Respýblıkasy Qosaǵash aýdanyndaǵy «Shúıdiń nury» gazetiniń bas redaktory Arqalyq Soltanov bylaı deıdi:
«Sizder ulttyq aspaptar men kıimderdi tabystaǵan kezde ózge ult ókilderi bizge: „Sizderde arqasúıer, tireý bolatyn Qazaqstan bar, myqty azamattar bar!“ dep tamsanady. Sondaı bir sátte erekshe sezimge bólengenimizdi qalaı jasyraıyn! Sondyqtan arqasúıer Qazaqstanymyz aman, Atamekenimizdiń týy kók aspanda máńgi jelbireı bersin!».
Sonymen qatar, qazan aıynda ótken «Otandastar» forýmynda da álemniń 40-qa jýyq memleketinen kelgen aǵaıynǵa estelik bolsyn degen maqsatta qorjyn taratylǵan bolatyn.