Otandastar qory online-nauryz merekesin ótkizdi

NUR-SULTAN. QazAqparat –Ulystyń uly kúni qarsańynda Dúnıejúzi qazaqtarynyń qaýymdastyǵy men «Otandastar qory» alys-jaqyn sheteldegi qandastardyń basyn qosqan «ONLINE-NAURYZ» merekelik is-sharasyn uıymdastyrdy, dep habarlaıdy QazAqparat.

Onlaın rejımde ótken sharaǵa álemniń túkpir-túkpirindegi AQSh (Boston, Chıkago), Iran, Germanııa, Shvetsııa, Danııa, Mońǵolııa, Reseı, Túrkııa memleketindegi qazaqtar belsendi qatysyp, atamekenine ystyq saǵynyshyn jetkizdi. Darhan kóńildi qandastarymyz bir-birin quttyqtap, barsha qazaq halqyna ystyq lebizin bildirdi.

Óz kezeginde «Otandastar qorynyń» vıtse-prezıdenti Maǵaýııa Sarbasov barlyq qatysýshylardy ulyq meıram Naýryzben quttyqtady. Ótken jyly tabysty eńserilgen jobalardy qorytyndylap, bıylǵy jyldyń josparymen bólisti.

Qazirgi ýaqytta álemdi dúrliktirgen juqpaly koronavırýs dertine qaramastan, dúnıejúzindegi qandas baýyrlar tilegi bir arnaǵa toǵysty. Týǵan jer topyraǵy men jýsan ıisin ańsaǵan ár qazaq júregindegi saǵynysh alaýy máńgilik óshpeıdi. Qazaq halqynyń ortaq otany – Qazaqstan Respýblıkasy.

Zamanaýı onlaın formatta ótken basqosý alysty jaqyndatyp, aǵaıyndy bir-birimen tabystyrydy. Barlyq qatysýshylardyń rızashylyǵyna bólengen sharany keleshekte de ótkizý josparlanyp otyr.

«ONLINE-NAURYZ» merekesiniń tikeleı efıriniń túsirilimin myna siltemeden kórýge bolady.