«Otandastar» qory qandastarymyzǵa arnalǵan biryńǵaı kontakt-ortalyq ashpaq

ASTANA. QazAqparat - Taıaý kúnderi elge oralǵan jáne shetelde turatyn qandastarymyzǵa arnalǵan biryńǵaı kontakt-ortalyq iske qosylady, dep habarlaıdy QazAqparat «Otandastar» qoryna silteme jasap.

«Ortalyq mamandary qandastarymyzdyń mazalaıtyn máselelerdiń jaýabyn tabýǵa kómektesetin bolady. Osyǵan oraı qordyń birinshi vıtse-prezıdenti Talǵat Adýov pen vıtse-prezıdenti Mádı Manatbek baılanys ortalyqtaryn uıymdastyrý qyzmetin kórsetetin kompanııanyń jumysymen tanysyp qaıtty. Kompanııanyń tutynýshylary arasynda memlekettik mekemelermen qatar, jeke uıymdar da bar. Solardyń arasynan elordada ornalasqan baılanys ortalyqtarynyń jumysyn qor basshylyǵyna úlgi retinde kórsetip ótti», delingen qordyń Instagramdaǵy paraqshasynda.

Aıta keteıik, atalmysh joba qordyń seriktesi «Qazaqtelekom» AQ-men birlesip júzege asatyn bolady.