«Otandastar» qory Frantsııadaǵy qandastarymyzdyń basyn qosty
Qordyń baspasóz qyzmetinen málim etkendeı, Frantsııadaǵy qazaq jurtshylyǵymen kezdesýde «Otandastar» qorynyń maqsat-mindetteri tanystyrylyp, uıym qyzmetiniń jalpy ustanymy men joba-josparlary aıtyldy. Aıta keteıik, qor QR Tuńǵysh Prezıdenti-Elbasy N.Nazarbaevtyń 5-shi Dúnıejúzi qazaqtary quryltaıyndaǵy tapsyrmasymen qurylǵan bolatyn. Maqsaty - sheteldegi jáne Qazaqstanǵa kóship kelgen etnıkalyq qazaqtarǵa qoldaý bildirý.
«Qazaq eli Táýelsizdik jyldarynda alystaǵy aǵaıynǵa qoldaý kórsetýdi esten shyǵarǵan emes. Elbasy tapsyrmasymen qurylǵan «Otandastar» qory sonyń aıqyn dáleli. Qor elge oralǵan qandastarmen birge, sheteldegi qazaq dıasporasyn qoldaý baǵytynda jumys isteıdi. Ol óz kezeginde, jyraqtaǵy otandastarymyzdyń quqyǵyn qorǵaý, mádenı jáne zııatkerlik áleýetin saqtaý, qazaq dıasporasymen mádenı, iskerlik jáne basqa da baılanystardy nyǵaıtý, sondaı-aq tarıhı otanǵa oralýǵa nıetti qandastarǵa qolaıly jaǵdaı jasaý syndy maqsattardy qamtıdy», - dedi qor prezıdentiniń keńesshisi Maǵaýııa Sarbasov.
Sonymen qatar, kezdesý barysynda qandastarymyz ózderiniń kókeıtesti máselelerin jetkizip, qor ókilderinen olardyń sheshilý jolyn qarastyrýyn surady. Máselen, Mustafa Shoqaı atyndaǵy qazaq-frantsýz «Dostyq» qoǵamynyń tóraǵasy ıAshar Dınchtyń aıtýynsha, Frantsııadaǵy qazaq qoǵamyna latyn qarpindegi qazaq kitaptary jáne qazaq-frantsýz sózdikteri aýadaı qajet. Ana tilin meńgerýge nıetti qandastarymyz Qazaqstannyń jaqyn kúnderi tolyǵymen latyn qarpine ótetindigine qýanyshty ekendikterin jetkizdi.
Odan bólek, elimizden barǵan delegatsııa Frantsııadaǵy qazaq dıasporasynyń ulystyń uly kúni Naýryz dýmanyn toılaý merekesine, sondaǵy etnıkalyq qazaqtardyń qurama komandasy oınaǵan fýtbol lıgasyna qatysty. Parıjdegi Mustafa Shoqaıǵa arnalǵan eskertkishke baryp, gúl shoqtaryn qoıdy.
Sondaı-aq, «Qorqyt» tuńǵysh qazaq mádenıeti ortalyǵynyń jumysymen tanysty, atalmysh eldegi asyrandy qazaq balalarynyń otbasyna bardy, olardyń qazaqtyń tilin, mádenıetin, tarıhyn meńgerý múmkindikteri jaıly bilip qaıtty.
Qordyń deregine súıensek, Frantsııa - Eýropadaǵy qazaqtardyń eń kóp shoǵyrlanǵan jeri. Onda jalpy sany 2 myńnan astam qandasymyz turady.