«Otan saqshysy» gazetine 80 jyl
Osyǵan oraı, QR Qarýly Kúshteriniń Ulttyq áskerı-patrıottyq ortalyǵynda merekelik is-shara ótti. Redaktsııanyń shyǵarmashylyq ujymyn mereıtoıymen Shekara qyzmeti dırektorynyń orynbasary, polkovnık Dáýlet Dúısembekov, «Zastava tarlandary» respýblıkalyq ardagerler qoǵamdyq birlestiginiń tóraǵasy, general-maıor Tursyn Ýajanov, «Egemen Qazaqstan» gazetiniń bas redaktory Ǵabıt Músirep, EUÝ jýrnalıstıka jáne saıasattaný fakýltetiniń dekany Qaırat Saq, gazettiń ardagerleri – otstavkadaǵy polkovnıkter Vasılıı Shýpeıkın men Saǵıdolla Sıhymbaev quttyqtady.
«Bıyl Otan saqshysy – Chasovoı Rodıny» gazetiniń qurylǵanyna 80 jyl toldy. Shekara saqshylarynyń gazeti – erteden kele jatqan áskerı basylym. Áý bastan shekara gazeti jasyl kúnqaǵar kıgen adamdardyń ómirinde zor mańyzǵa ıe boldy jáne oqyrmandardyń serigine aınaldy. Aıtýly kúni gazettiń shyǵarmashylyq ujymyna densaýlyq, baqyt jáne otbasylyq amandyq tileımin! Bizdiń redaktsııańyzdyń dańqty dástúrleri uzaq jyldar boıy saqtalatynyna senimdimin», - dedi quttyqtaý sózinde polkovnık D. Dúısembekov.
Mereke qarsańynda Shekara qyzmeti men gazet tarıhyndaǵy estelik jáne mańyzdy oqıǵalarǵa arnalǵan «80 jyldyq shejire» kitabynyń tusaýkeseri ótti. Shyǵarmada elimizdiń shekara zastavalaryn aralaǵan soǵys tilshileriniń qyzyqty jáne áserli estelikteri sıpattalǵan.
Qyzmettik mindetterin adal oryndaǵany, jumysta joǵary nátıjelerge qol jetkizgeni úshin, sondaı-aq 80 jyldyq mereıtoıǵa oraı gramotalarmen, «Otan saqshysy – Chasovoı Rodıny» gazetine 80 jyl» mereıtoılyq belgilerimen jáne baǵaly syılyqtarmen gazettiń áskerı qyzmetshileri, ardagerler men ózara is-qımyl jasaıtyn qurylymdardyń ókilderi marapattaldy.
Sonymen qatar, «Memleket shekaradan bastalady» fotobaıqaýynyń qorytyndysy shyǵaryldy. Bul is-shara UQK ShQ áskerı qyzmetshileri arasynda jastardy patrıottyq sezimge tárbıeleý jáne urpaqtar sabaqtastyǵyn qalyptastyrý maqsatynda ótkizildi.
Іs-shara Shekara qyzmeti án jáne bı ansambli bóliminiń kontserttik baǵdarlamasymen aıaqtaldy.