Osy jyldyń qańtar aıynda Qazaqstannyń Keden odaǵy elderimen ózara saýda aınalymy 1,5 trln. AQSh dollarynan asyp tústi

ASTANA. 14 naýryz. QazAqparat - Osy jyldyń qańtar aıynda Qazaqstannyń Keden odaǵy elderimen ózara saýda aınalymy 1,5 trln. AQSh dollarynan asyp tústi. Bul týraly búgin brıfıng barysynda QR Statıstıka agenttiginiń tóraǵasy Álıhan Smaıylov málim etti.

Onyń atap ótýinshe, aǵymdaǵy jyldyń qańtar aıynda Qazaqstannyń Keden odaǵy elderimen aradaǵy saýda-sattyǵy 1 trln. 672,6 mln. AQSh dollaryn qurap, ótken jyldyń qańtaryndaǵy kórsetkishpen salystyrǵanda 7,7 paıyzǵa asyp túsken.

Qazaqstan eksporty qurylymynda mıneraldy ónimder (Keden odaǵy elderine eksporttyń jalpy kóleminiń 42,2 paıyzy), metalldar jáne odan jasalǵan buıymdar (24,3%), hımııa ónerkásibi ónimderi (14,5%) basymdyqqa ıe.

Reseı Federatsııasy men Belarýs Respýblıkasynan da kóp jaǵdaıda mıneraldy ónimder (Keden odaǵy elderi ımportynyń jalpy kóleminiń 40 paıyzy), mashınalar jáne qural-jabdyqtar (19,9%), metalldar jáne olardan jasalǵan buıymdar (11,3%), hımııa ónerkásibi ónimderi (11,5%) ákelinedi.