Osy joly karateshi ekenimdi kórsetýdiń qajeti joq - Jambyl Ahmetbekov
«Endi, biraz adamdardyń esinde shyǵar, 2011 jyly men prezıdenttik saılaýǵa qatysqanmyn. Sol kezdegi baǵdarlama boıynsha ózimdi kim ekenimdi elge tanytý úshin keıbir tehnologııalardy qoldanyp, karatemen aınalysatynymdy, shyǵys jekpe-jegin meńgergenimdi, sportmen aınalysatynymdy kórsettim. Budan bólek, mýzyka men ónerge jaqyn ekenimdi, aýyldan shyqqanymdy - bárin-bárin kórsetip úlgerdim. Endi, osy jolǵy naýqanda bunyń bári qajet emes. Buqaralyq aqparat quraldary ony qajet den sanaıtyn bolsa, ótken saılaýdyń saıtynan alyp, ony fragment retinde qoldanýǵa bolady», - dedi J.Ahmetbekov Ortalyq saılaý komıssııasynda ótken baspasóz máslıhatynda.
Kommýnıstiń aıtýynsha, aldaǵy saılaýda áleýmettik jáne ekonomıkalyq máselelerge basymdyq beriledi. Sol arqyly halyqtyń ál-aýqatyn kóterý kerek. Osyǵan baılanysty kandıdattyń jeke qabiletterine mán berilmeıdi.
Aıta keteıik, búgin QR Ortalyq saılaý komıssııasy Jambyl Ahmetbekovty QR Prezıdenttigine kandıdat retinde tirkep, oǵan kandıdattyń kýáligi resmı túrde tabystaldy.