Osy jazda Qazaqstanda 38 myńnan astam jup shańyraq kótergen

ASTANA. QazAqparat – Elimizde jaz aılarynda 38 myńnan astam jas-jubaı otaý tikti. Bul týraly Ulttyq statıstıka bıýrosynan málim etti, dep habarlaıdy QazAqparat.

«Qazaqstanda jaz aılarynda 38 myńnan astam jup óz qarym-qatynasyn zańdastyrdy. Jas jubaılardyń basym bóligi toı úshin tamyz aıyn tańdaǵan. Jazdyń sońǵy aıynda úılengenderdiń sany 15,3 myń jupty qurady.

2021 jyldyń sáıkes aılarynda 39,7 myńnan astam juptyń nekesi qıyldy. Ótken jyly, kerisinshe, shilde aıynda otasqandardyń sany kóp boldy – 14 myńnan astam neke», - delingen aqparatta.

Málim etilgendeı, jaz aılarynda nekege turý kórsetkishi boıynsha Almaty men Astana qalalary jáne Túrkistan oblysy aldyńǵy orynda tur.

Jalpy jazda qalalyq jerlerde 10,6 myń neke, aýyldyq jerlerde 4,6 myń neke qıylǵan.