Osy jazda AI-95 benzıni qymbattaýy múmkin

ASTANA. QazAqparat – Qazaqstanda AI-95 benzıniniń qymbattaý qaýpi bar. Bul týraly Energetıka mınıstri Almasadam Sátqalıev málim etti, dep habarlaıdy QazAqparat tilshisi.

«AI-92-ge kelsek, qajetti kólemde benzın qoryn aldyq. Munaı óńdeý zaýyttary men munaı bazalarynda 23 kúnge jetetin qor bar. AI-92 boıynsha qaýip joq, bizde AI-95 benzıni boıynsha belgili bir táýekelder paıda boldy. Baǵa ósýi múmkin. Biraq bul - jazǵy maýsymda saparlardyń kóbeıýine baılanysty rettelmeıtin másele. Ásirese kýrorttyq aımaqtarda qatynas qyzady. Osyǵan baılanysty biz 95-shi benzın boıynsha baǵa ósimi qaterin kórip otyrmyz», - dedi Almasadam Sátqalıev Úkimet otyrysynan keıin BAQ ókilderiniń saýalyna jaýap bere turyp.

Sondaı-aq, vedomstvo basshysy jaǵdaıdyń baqylaýda bolatynyn aıtty.

«Jaǵdaıdy baqylaýda ustaýǵa tyrysamyz. Munaı óndirýshi uıymdarmen, Reseı Federatsııasynyń jelilik kompanııalarymen AI-95 benzın kóleminiń ımportyn qamtamasyz etý týraly keńester ótkizildi», - deıdi mınıstr.