Osy demalysta Býrabaı men Zerendi jabylady

KÓKShETAÝ. QazAqparat – Epıdemıologııalyq jaǵdaıdyń nasharlaýyna baılanysty 20-21 maýsym kúnderi Aqmola oblysyndaǵy týrıstik aımaqtarǵa kirýge bolmaıdy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Býrabaı jáne Zerendi aldaǵy demalys kúnderi demalýshylar úshin jabyq bolady.

Jergilikti taýarlar jáne kórsetiletin qyzmetterdiń sapasy men qaýipsizdigin baqylaý basqarmasynyń málimetinshe, maýsymnyń 19-da saǵat 18:00 kezinde kýrortty aımaqtarda ýaqytsha 9 blokpost ornatylady. Şýche-Býrabaı kýrortty aımaǵynda 6 blokpost jumys isteıdi.

«Apta sońynda demalýshylardyń sany kúrt ósedi. Negizinen Nur-Sultan men Kókshetaýdan keledi. Qolǵa alynǵan shekteý sharalaryna túsinistikpen qarap, bul kúnderi Býrabaıǵa barýdan bas tartýdy suraımyz», - dep atap ótti vedomstvo basshysy Seráli Joldaspaev.

Sonymen birge, úsh blokpost Zerendi kýrortyna qoıylady.

Alaıda, qazirgi tańda Býrabaı jáne Zerendi kýrorttary aýmaǵynda demalyp jatqan týrıster sonda qalyp, odan ári demala berýine bolady.