Osy aıda Atyraýdaǵy eki aýyldyq okrýgtiń ákimi saılanady

ATYRAÝ. QazAqparat – Sáýirde Atyraý oblysyna qarasty 2 aýyldyq okrýgtiń ákimi saılanady, dep habarlaıdy QazAqparat tilshisi.

Óńir ákimdiginiń resmı saıtynda jarııalanǵan habarlamada jazylǵandaı, Inder aýdany Bódene aýyldyq okrýgi ákiminiń ókilettigi 4 mamyrda, al Mahambet aýdany Aqtoǵaı aýyldyq okrýgi ákiminiń ókilettigi 19 mamyrda aıaqtalady.

Osyǵan baılanysty 23 sáýirde atalǵan eldi mekenderdiń ákimderin saılaý ótedi.

Buǵan qosa, taıaýda munda meriziminen buryn toqtatylǵan 4 jáne ókilettik merizimi aıaqtalatyn 2 aýyldyq okrýg ákimderin saılaý ótýi múmkin. Ázirge onyń merzimi belgilengen joq.

Qosa keteıik, buǵan deıin Túrkistan men Aqtóbe oblystaryndaǵy eldi mekenderde de ákimder saılaýy ótetinin habarlap edik.