Osy aptada «Memlekettik til jáne BAQ-2020» jeńimpazdary anyqtalady

NUR-SULTAN. QazAqparat - Mádenıet jáne sport mınıstri Aqtoty Raıymqulova osy aptada «Memlekettik til jáne BAQ-2020» respýblıkalyq baıqaýy jeńimpazdaryn onlaın rejıminde marapattaıdy, dep habarlaıdy QazAqparat tilshisi.

Qolyna qalam men mıkrofon ustaǵan jýrnalısterdiń dástúrli dodasyn Mádenıet jáne sport mınıstrliginiń Til saıasaty komıteti jáne Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy jyl saıyn uıymdastyrady. Baıqaý erejesiniń talaptaryna sáıkes, usynylǵan jýrnalıstik eńbekterdiń mazmuny – memlekettik tildiń qyzmet etý aıasyn keńeıtý, mártebesin nyǵaıtý, qazirgi ahýalyn taldaý jáne oǵan monıtorıng júrgizýge baǵyttalýy shart.

Jeńimpazdar «Úzdik maqala», «Úzdik telebaǵdarlama», «Úzdik radıobaǵdarlama», «Úzdik saıt maqalasy» nomınatsııalary boıynsha marapattalady. Konkýrsqa elimizdiń túkpir-túkpirinen 56 jýrnalıst qatysyp, 116 materıal talqyǵa túsip otyr.

Atalymdar boıynsha qatysýshylar:

- «Úzdik maqala» – 24 qatysýshy, materıaldar sany – 49;

- «Úzdik saıt maqalasy» – 12 qatysýshy, materıaldar sany – 25;

- «Úzdik radıobaǵdarlama» – 11 qatysýshy, materıaldar sany – 23;

- «Úzdik telebaǵdarlama» – 9 qatysýshy, materıaldar sany – 19.

Elimizge belgili qalam qaıratkerleri men tanymal jýrnalısterden quralǵan qazylar alqasynyń qyzý talqylaýynan keıin qabyldanǵan ortaq sheshim 26 maýsym kúni saltanatty túrde jarııalanady.