Osloda Elbasynyń ıadrolyq qarýsyzdaný týraly kitaby norveg tilinde shyqty
«Semeı polıgonynyń jabylýy men ıadrolyq qarýsyzdaný úderisi Nursultan Nazarbaev prezıdenttiginiń úlken murasy bolyp tabylady. Bıyl Semeı óńirinde SSSR-dyń alǵashqy atom bombasyn jarýyna 70 jyl toldy. 1991 jyly 29 tamyzda Prezıdent N.Nazarbaevtyń Jarlyǵymen polıgon jabyldy. «Beıbitshilik kindigi» kitaby tek ıadrolyq synaqtardyń tarıhy men Qazaqstannyń ıadrolyq áleýetin bólshekteý týraly ǵana emes, ol oqyrmandy ıadrolyq qarýdan azat álem qurý týraly oıǵa jeteleıdi», - dedi tusaýkeser barysynda Qazaqstannyń Norvegııadaǵy Elshisi Erkin Ahınjanov.
«ıAdrolyq qarý - maǵynasyz qarý. Ony apatty saldarsyz paıdalaný múmkin emes. Muny túsingenderdiń qatarynda Qazaqstan jáne onyń Tuńǵysh Prezıdenti Nursultan Nazarbaev ta bar. Onyń sebebi «Beıbitshilik kindigi» kitabynda aıtylady», - dep atap ótti Norvegııanyń burynǵy premer-mınıstri Kell Magne Bondevık.
Onyń pikirinshe, ıadrolyq qarýdy joıý jumysyn kúsheıtetin bilim men resýrstardyń bolǵany mańyzdy.
«Osy kitapta aıtylǵan Qazaqstannyń tájirıbesi óte paıdaly. Sovet odaǵy ydyraǵannan keıin barlyq ıadrolyq qarýlar men qondyrǵylardy óz aýmaǵynan shyǵaryp tastaǵany úshin bul el álemniń qurmetine ıe jáne onyń osyndaı qadamy basqalar úshin oń úlgi bolyp tabylady», dedi Kell Magne Bondevık.
Qazaqstannyń ıadrolyq áleýetin bólshekteý úderisine, sondaı-aq taratpaý rejiminiń negizgi máselelerine Tuńǵysh Prezıdent qorynyń Halyqaralyq baǵdarlamalarynyń jetekshisi Elshi Qaırat Ábýseıitov pen Norvegııalyq halyqaralyq saıasat ınstıtýtynyń (NUPI) aǵa zertteýshisi Sverre Lodgard sholý jasap ótti.
Sýretshi jáne antııadrolyq qozǵalystyń qaıratkeri Káripbek Kúıikov Semeı aýmaǵy turǵyndarynyń kórgen qaıǵy-qasireti men qorshaǵan ortaǵa keltiretin zııan týraly baıandama jasady. Ol Qazaqstan halqynyń ıadrolyq synaqtardy toqtatý jolyndaǵy kúresi men N.Nazarbaevtyń polıgondy jabý týraly tarıhı sheshimi týraly aıtyp berdi. Sonymen qatar, K.Kúıikov jınalǵan qaýymdy «ATOM» jobasyn (www.theATOMProject.org) qoldaýǵa jáne ıadrolyq qarýdan azat álemi jónindegi petıtsııaǵa qol qoıýǵa shaqyrdy.
Norvegııa Syrtqy ister mınıstrliginiń atynan Aımaqtyq departamenttiń dırektory Anna-Krıstı Karlsen de sóz sóıledi.
Sharaǵa ıAdrolyq qarýdy joıý úshin naýqan (ICAN), «ıAdrolyq qarýǵa - joq» (Nei til Atomvåpen), «Bike for Peace» úkimettik emes uıymdary, ıadrolyq qaýipsizdik sarapshylary, saıasattanýshylar, dıplomattar, dinı qaıratkerler jáne qoǵamnyń basqa da ókilderi keldi.
Kitaptyń tusaýkeseri Qazaqstan Respýblıkasynyń Tuńǵysh Prezıdenti kúnine arnalǵan. Mátindi norveg tiline halyqaralyq saıasattanýshy jáne kásibı aýdarmashy Nıkolaı Gerov aýdarǵan. Norvegııalyq basylymǵa alǵysózderin daıyndaǵan burynǵy premer-mınıstr Kell Magne Bondevık, Tuńǵysh Prezıdent – Elbasy qorynyń Atqarýshy dırektory Áset Isekeshev, Norvegııanyń Syrtqy ister mınıstri Ine Erıksen Soreıde, sondaı-aq aǵa sarapshy jáne NUPI-diń burynǵy dırektory Sverre Lodgard.
Kitap «Steffen Grafisk Tilrettelegging» baspasynda jaryq kórdi.