Osloda beıbit turǵyndarǵa oq atqan er adam 30 jylǵa sottaldy

<p>ASTANA. KAZINFORM &ndash; Beısenbi, 4 shildede Oslo aımaqtyq soty 2022 jyly Norvegııa astanasyndaǵy túngi klýbtyń aldynda qarýdan oq atqan atysqa qatysty úkim shyǵardy. AP keltirgen sot sheshimine sáıkes, sottalýshy &ndash; ırandyq Norvegııa azamaty Zanıar Matapýr lańkestik áreket úshin kináli dep tanylyp, 30 jylǵa bas bostandyǵynan aıyryldy, dep habarlaıdy <a href="https://www.dw.com/ru/obvinaemyj-v-strelbe-v-oslo-prigovoren-k-30-godam-turmy/a-69560796" target="_blank" rel="noopener">DW</a> aqparat agenttigi.</p>

Sot qaýlysy boıynsha, 45 jasar er adam beıbit turǵyndarǵa avtomattan 10, tapanshadan segiz oq atqan. Prokýratýranyń málimetinshe, Matapýr «Islam memleketi» (Qazaqstanda tyıym salynǵan - red.) lańkestik uıymyna adal bolýǵa ant bergen.

Sot barysynda aıyptaýshy men qorǵaýshy da Matapýrdyń kópshilikke oq jaýdyrǵanyn ári bul árekettiń lańkestikke qatysy bar ekenimen tolyq kelisti. Alaıda sottalýshynyń advokaty qorǵaýyndaǵy adamdy shabýyl jasaýǵa arandatyp, ózin «Islam memleketiniń» joǵary laýazymdy múshesi retinde tanystyrǵan Danııa barlaý agenti ekenin alǵa tartyp, aqtaý úkimin surady. 

Oslo ortalyǵyndaǵy atys 2022 jyldyń 25 maýsymyna qaraǵan túni bir-birine jaqyn ornalasqan úsh mekeme aýlasynda boldy. Shabýyl saldarynan eki adam mert bolyp, 21 adam jaraqat aldy. 

Koroldik premer-mınıstri Ionas Gar Stere bul oqıǵany «jazyqsyz adamdarǵa jasalǵan qatygez shabýyl» dep atady. 25 maýsymda Osloda jyl saıynǵy Oslo Pride geıler sherýi ótýi tıis edi, biraq uıymdastyrýshylar polıtsııanyń usynysy boıynsha ótkizýden bas tartty.