«Óskende qaıtaryp berem, shyn aıtamyn»: Otbasyna úı suraǵan bala baspanaly boldy
«Meniń bir ǵana armanym bar. Bir baspana bolsa da jetedi. Ósken kezde qaıtaryp beremin. Shyn aıtamyn» degen áleýmettik jelide taraǵan 9 jasar balanyń vıdeosy kópshiliktiń júregin eljiretken bolatyn. Januıanyń jaǵdaıyn jelide akter Madııar Serikpaev kórsetken edi.
Bala ájesimen, kóz janarynan aıyrylǵan anasymen jáne bala kezinen múgedek eki aǵasymen turady.
«Haraket» qaırymdylyq qory elden qarjy jınap, Orazymbettiń otbasyna úı alyp berdi. Úıdiń sertıfıkaty «Habar» telearnasyndaǵy «Túngi habar» baǵdarlamasynyń tikeleı efırinde tabystaldy.
Qýanyshtan jylap jibergen jetkinshek kópshilikke alǵysyn aıtyp, rızashylyǵyn bildirdi.
Sondaı-aq qordyń atynan Orazymbetke kompıýter berildi. Al anasynyń kózin emdetý úshin tegin sertıfıkat tabystady. Odan bólek, jetkinshektiń esep-shotyna 5 mln teńge aýdarylatyn boldy.
«Jan jomart jandarǵa rahmet aıtamyz. Meıirimdilik azaıyp bara jatqan zamanda, ótip bara jatqan adamnan kemshilik izdeıtin zamanda, bir-birimizdi jaqsy kórip, bir-birimizge qamqor bolyp, meıirimdilikpen qaraǵan kezde ǵana jan-jaǵymyz jaınaı túspek» - degen Sáken Maıǵazıev ıgi iske uıytqy bolǵan barsha azamattarǵa alǵysyn aıtty.