Óskemendik oqýshy kartop ósirý úshin ekologııalyq taza tyńaıtqysh jasap shyǵardy
Óskemen qalasynda oqýshylar arasynda ǵylym festıvali ótti. Úsh kún boıy balalar ózderiniń ǵylymı jobalaryn qorǵady.
Jobalar taqyryby ár túrli boldy. Oqýshylar tarıh, til, jaratylystaný, matematıka sııaqty baǵyttardy zerdelegen.
Arasynda buryn-sońdy zerttelmegen, tyń taqyryptar da bar.
Máselen, 9 synyp oqýshysy Farhat Soltanbekov «Kúnbaǵys tuqymynyń qaýyzynan fıtomelanın pıgmentin alý» taqyrybynda tájirıbe júrgizip, oń nátıjege qol jetkizgen.
«Osy jobamen bir jyl kóleminde aınalysyp kelemin. Tuqymnyń qabyǵy ýltradybystyq aımaqtyń kómegimen ózgertildi. Pıgmentti feomelanın aldyq, endi ony kosmetologııa maqsatynda qoldanýǵa bolady. ıAǵnı, osy arqyly emdik jáne kosmetıkalyq kremder jasaýǵa múmkindik bar», - dedi Jambyl atyndaǵy daryndy balalarǵa arnalǵan oblystyq mamandandyrylǵan mektep-gımnazııa-ınternatynda oqıtyn Farhat Soltanbekov.
Tabıǵatty, janýarlar men jándikterdi zertteý úshin daryndy balalarǵa arnalǵan mamandandyrylǵan valeologııalyq mektep oqýshysy Vıktor Fedorov «Janýarlar álemi» 3D kitabynyń mobıldi qosymshasyn ázirledi.
Kitaptyń skrınshotyna mobıldi qosymshany aparyp janýarlar men jándikterdi 3D formatta kórýge bolady.
Dál osy mekteptiń taǵy bir oqýshysy Denıs Lagýtın úı jaǵdaıynda kartop ósirý úshin ekologııalyq taza tyńaıtqysh jasap shyǵarǵan.
Ol pııaz, jumyrtqa, banan, qyzylsha tsıtrýs qabyqtary men shaı japyraqtarynan jasalǵan.
«Algorıtmi kelesideı: tyńaıtqysh úshin 20 jumyrtqa qabyǵyn, 10 shaı japyraqtaryn, 10 qyzylsha qabyǵyn, 10 badananyń qabyǵyn, 10 banan men tsıtrýs qabyǵyn, 10 apelsındi jınaý qajet. Sodan keıin qaldyqtardy keptirip, usaqtap, aralastyrý kerek. Nátıjesinde, ekologııalyq taza tyńaıtqyshy bar kartoptyń salmaǵy 4 keli 405 gr qurady. Al hımııany qoldaný arqyly salmaǵy 1 keli boldy. Jaz boıy ata-ájemniń saıajaıynda osy tyńaıtqyshpen tájirıbe jasaýdy jalǵastyramyn», - deıdi Denıs.