Óskemendik eriktiler Abaı oblysyna 5 kólikke tıelgen gýmanıtarlyq kómek jóneltti

ÓSKEMEN. QazAqparat – Óskemen qalasynda eriktiler Abaı oblysyna gýmanıtarlyq kómek jóneltip jatyr, dep habarlaıdy QazAqparat tilshisi.

Óskemende «Birge jaqsylyq jasaımyz» eriktiler qozǵalysynyń músheleri Abaı oblysyndaǵy órtten zardap shekkenderge arnap gýmanıtarlyq kómek jóneltýde. 11 maýsymda gýmanıtarlyq júk tıelgen alǵashqy bes kólik qaladan Borodýlıha aýdanyna ketken.

Qazirgi ýaqytta gýmanıtarlyq kómek jınaý jalǵasýda. Eriktiler qozǵalysynyń úılestirýshisi Tatıana Berkmannyń aıtýynsha, halyq bir ret qoldanylatyn ydys-aıaq, azyq-túlik pen kıim-keshek ákelýde.

«Órtten zardap shekkenderge kómekteskisi keletin jandar bolsa Karbysheva kóshesi, 54 nemese Nurmaǵambetov kóshesi, 52 mekenjaılarynda ornalasqan qabyldaý pýnktine kele alady. Qandaı da bir suraqtaryńyz bolsa 8(705)185-54-65 telefon nómirine qońyraý shalyńyzdar», - deıdi ol.

Eske salsaq, osyǵan deıin Abaı oblysynda órtten zardap shekken otbasylardyń balalaryna ýnıversıtetten 10 grant bólinetindigin habarlaǵan edik.