Óskemendegi onkologııalyq ortalyqta jasandy ıntellekt iske qosyldy
Bul jaıly ShQO ákimi Danıal Ahmetov Facebook jelisindegi jeke paraqshasynda jazdy.
«Óskemendegi onkologııalyq ortalyqta tsıfrlyq dıagnostıkalyq derekterdi saqtaýǵa arnalǵan PACS júıesi iske qosyldy. Endi turǵyndar ózderimen birge rentgen jáne KT nátıjelerin tasyp júrmeıdi, onyń barlyǵy avtomatty túrde PACS biryńǵaı júıesinde tirkeledi. Bul - medıtsına salasyndaǵy óte mańyzdy qadam», - dedi ol.
Aımaq basshysy jasandy ıntellekttiń Glýbokoe aýdanynan kelgen balanyń zerthana nátıjesinen jeńil dárejeli pnevmonııany tanyǵanyn jáne áıel adamnyń mammografııasynda muqııat zertteýdi qajet etetin oshaqtardy kórgenin jetkizdi.
«Bul joǵary tehnologııalyq tásil. PACS júıesi búkil álemde qoldanylady. Endi eski saraptamalardy jańasymen salystyrýǵa joǵary múmkindik berilip, derekter ortaq júıege saqtalatyn bolady. Dárigerler júıege mobıldi qosymsha arqyly qol jetkize alady. Qazirdiń ózinde oblystaǵy 145 rentgen apparatynyń 63-i PACS júıesine qosylǵan. ıAǵnı, bul 2700-den astam naýqas týraly keńeıtilgen aqparat bar degen sóz», - dedi Danıal Ahmetov.