Óskemendegi maı zaýytynyń aýmaǵynan órt shyqty
22:14, 09 Qazan 2022
ÓSKEMEN. QazAqparat - Óskemendegi maı zaýytynyń aýmaǵynan órt shyqty. Bul týraly QazAqparat TJD silteme jasap habarlaıdy.
«ShQO TJD órt sóndirýshileri 150 sharshy metr aýmaqta órtti oqshaýlady. Órt sóndirý bólimsheleri kelgen kezde qazandyq, tseh shatyrynyń aǵash konstrýktsııalary, kólemi 40 tekshe metr jáne 70 tekshe metr kúnbaǵys qabyǵy bar 2 býnker órtengen. Órtti sóndirýge 47 adam men 10 birlik tehnıka jumyldyryldy», - delingen habarlamada.
Órttiń sebebi anyqtalýda. Qurbandar men zardap shekkender joq.