Óskemendegi kórmede 600-ge jýyq altyn jádiger qoıyldy

ÓSKEMEN. QazAqparat - Óskemendegi «Sakraldy geografııa» atty kórmede 600-ge jýyq altyn buıym qoıyldy, dep habarlaıdy QazAqparat tilshisi.

«Sakraldy Qazaqstan» jobasynyń aıasynda uıymdastyrylǵan kórme Shyǵys Qazaqstan oblystyq tarıhı-ólkentaný mýzeıinde ótip jatyr. Bereldegi «Patshalar jazyǵy», Shilikti qorymy men Eleke sazy jaılaýynan qazylǵan arheologııalyq jádigerler 30 qyrkúıekke deıin 4200 adamnyń nazaryna usynylmaq.

«Kórmeniń basty jádigeri – «Altyn adam». Odan bólek 1200 eksponat qoıylǵan. Sonyń teń jartysy altyn buıymdar. Saq jáne ǵun, kóne túrki qorymdarynan tabylǵan arheologııalyq zattar Altaı baýraıyndaǵy kóshpeli órkenıettiń qanshalyqty ozyq bolǵanyn kórsetedi. Qyrkúıektiń ortasyna qaraı bulardyń qataryn jańa jádigerler tolyqtyrady. Bıylǵy arheologııalyq qazba jumystary kezinde tabylǵan buıymdarǵa arnaıy oryn qaldyryp qoıdyq. Olar qazir qaıta jóndeýden ótip jatyr»,- deıdi mýzeıdiń tarıhshy-arheolog mamany Galına Kýş.

Eske salsaq,belgili arheolog Zeınolla Samashev Qasym-Jomart Toqaevtyń qabyldaýynda bolyp, ShQO-daǵy saq dáýiriniń alǵashqy kezeńine jatatyn qonystardaǵy qazba jumystary, Berel qorǵanyndaǵy arheologııalyq zertteýlerdiń qorytyndysy jáne sheteldik ǵalymdarmen áriptestik týraly aıtyp bergen bolatyn.