Óskemendegi avtobýstardyń jartysy 10-30 jyl buryn shyǵarylǵan

ÓSKEMEN. QazAqparat – Óskemen qalasyndaǵy avtobýstardyń jartysy 10-30 jyl buryn shyǵarylǵan, dep habarlaıdy QazAqparat tilshisi.

Qala ákimdiginiń málimetine súıensek, Óskemende qoǵamdyq kólikterdi jańartý maqsatynda arnaıy baǵdarlama júzege asyrylýda.

«2021 jyldan bastan 52 jańa avtobýs alynyp, shahar ishindegi baǵyttarda qatynaýda. Jyl sońyna deıin taǵy 29 avtobýs jáne 4 tramvaı satyp alynady», - delingen habarlamada.

Budan bólek, 2023 jyly tasymaldaýshy kompanııalar taǵy 74 avtobýs satyp alýdy josparlap otyr.

Qazirgi tańda qaladaǵy avtobýstardyń jartysy 10-30 jyl buryn shyǵarylǵan. Al qalǵan jartysynyń jergilikti baǵyttarda jolaýshy tasymaldap júrgenine 10 jylǵa jetpegen.

Foto: oskemen.info