Óskemendegi Arbatta balanyń ústine art-qurylymnyń qulap ketýine baılanysty tekseris bastaldy
Oqıǵa 26 shilde kúni saǵat 22.00 shamasynda bolǵan. Qaladaǵy Arbatta oınap júre bala jaraqat aldy.
Belgili bolǵandaı, ol art-qurylymdy átkenshek retinde paıdalanǵan. Sonyń saldarynan dóńgelek pishindi qurylym synyp ketedi. Bul demalys orny «Taza Óskemen» kommýnaldyq mekemesine qaraıdy. Mekeme ókilderi «qurylym sán maqsatynda turǵandyǵyn, oǵan otyryp, terbelýge bolmaıtynyn» málim etti.
Osy rette, QazAqparat tilshisi ShQO polıtsııa departamentine habarlasyp kórdi. Vedomstvo dereginshe, atalǵan fakti boıynsha qala turǵynynan shaǵym túsken.
«Atalǵan oqıǵaǵa qatysty aryzdyń belgilengen tártippen tirkelgenin, soǵan qatysty tekserý júrgizilip, oqıǵanyń mán-jaıy anyqtalyp jatqanyn habarlaımyz. Tekserý qorytyndysyna sáıkes túpkilikti zańdy sheshim qabyldanady», - dep jaýap berdi vedomstvodan.