Óskemendegi «Altaı» stadıony 50 jylda alǵash ret jóndelip jatyr
20:17, 07 Qyrkúıek 2020
ÓSKEMEN. QazAqparat – Óskemen qalasynda «Jumyspen qamtýdyń jol kartasy-2020» baǵdarlamasy sheńberinde «Altaı» stadıony qaıta jańǵyrtylýda, dep habarlaıdy QazAqparat tilshisi.
Bul jaıly shahar basshysy Jaqsylyq Omar Instagram-daǵy jeke paraqshasynda jazdy.
«Stadıonda jóndeý jumystarynyń júrgizilmegenine 50 jyldan astam ýaqyt bolǵan. Merdigerler ákimshilik ǵımaratty qaıta jańǵyrtty: káriz qubyrlaryn, jylý júıesin, terezeler men shatyrdy aýystyryp, mekemeniń aldyn jóndedi. Kúrdeli jóndeý aıasynda gúlzar, sporttyq jolaqtyń jabyndysy almastyrylyp, jaryqtandyrý men projektorlar jóndeýden ótkizildi», - dedi ákim.
Onyń aıtýynsha, kórermender úshin 150 oryn jabdyqtalmaq. Sonymen qatar Chehov kóshesinen stadıonǵa kiretin jol da jóndeledi.