Óskemendegi jylý magıstrali qalpyna keltirilip, úılerge jylý berildi

<p>ÓSKEMEN. KAZINFORM - Óskemen qalasyndaǵy Jibek matalar kombınaty yqsham aýdanyndaǵy jylý magıstrali qalpyna keltirilip, úılerge jylý berildi.</p>

Kesheli beri qaladaǵy Jibek matalar kombınaty yqsham aýdanyndaǵy jylý magıstralinde qubyr jarylyp, úıler jylýsyz qalǵan.

Qazirgi ýaqytta “Shyǵys jylý” AQ mamandary aqaý bolǵan jerdi qalpyna keltirdi.

- Aqaý sebebi anyqtalǵan soń jóndeý jumystary toqtaýsyz júrgizildi. Jylý magıstrali qubyrlary qanaǵattanarlyq jaǵdaıda. Paıdalaný merzimi – 10 jyl. Qazirgi ýaqytta qalypqa keltirý jumystary tolyq aıaqtaldy. Barlyq úıler men nysandarǵa jylý berildi, - dep habarlady ShQO ákimdiginen.

Eske salsaq, 16 qarasha kúni Óskemendegi jylý magıstralinde qubyr jarylǵany habarlanǵan. 

Sol jerde eki brıgada aýysymmen jumys istedi.