Óskemendegi zaýytta apat boldy – feık

<p>ÓSKEMEN. KAZINFORM &ndash; Óskemen qalasyndaǵy zaýytta apat bolǵany jaıly aqparat jalǵan bolyp shyqty.</p>

Búgin áleýmettik jelide Óskemendegi «Kaztsınk» JShS-ǵa qarasty zaýytta apat bolǵany, sonyń saldarynan qaladaǵy aýa sapasynyń kúrt nasharlap ketkeni jaıly aqparat tarady. 

Alaıda ol shyndyqqa janaspaıdy. Bul týraly ShQO Óńirlik kommýnıkatsııalar qyzmetinen málim etti.

«Kaztsınk» JShS zaýytynda apat bolǵany týraly málimet — jalǵan. Azamattardy tek resmı aqparat kózderine senip, tekserilmegen aqparatty taratýdan aýlaq bolýǵa shaqyramyz. Halyqty adastyratyn kórineý jalǵan aqparatty taratqandar zań sheńberinde jaýapqa tartylatynyn eskertemiz», — delingen aqparatta.

Aıta keteıik, Óskemende aýa sapasynyń nasharlaýyna qolaısyz meteorologııalyq jaǵdaıdyń qalyptasýy sebep bolyp otyr. Soǵan baılanysty 28 qarashada oqýshylar mektepke barmaıtyn boldy.