Óskemendegi Menovnoe kentiniń turǵyndaryn jóndeý kórmegen joldyń jaıy alańdatady
Kent turǵyny Saılaý Ýalıev jergilikti jurtshylyq atynan talaıdy tolǵandyryp júrgen məselelerdi jipke tizip berdi.
«Ortalyq kóshemen irgeles jatqan kóshelerdiń barlyǵynda derlik jaryq janbaıdy. Jol sapasy nashar. Asfalt tóselmegendikten kóktem men kúz aılarynda aınalanyń bári balshyq bolady. Kólikti qoıyp, jaıaý júrý múmkin emes. Məsele munymen bitse ıgi edi. Alaıda budan basqa da túıtkilder tolyp jatyr, - dedi ol.
Turǵyn óz sózinde kent kóshelerinde qoqystyń jınalmaı shashylyp jatatynyn, oǵan qosa toptasyp kóshe kezip júretin qańybas ıtterdiń kóp ekenin jetkizdi. Menovnoe jurtshylyǵy joǵaryda aıtylǵan máselelerdiń oń sheshimin tabýyn tileıdi.
Osy rette, qala ákimdigine habarlasyp, halyqtyń shaǵymyna jaýap alyp kórdik.
«Aýyl – el besigi» baǵdarlamasymen byltyr qarajat bólinip, kenttegi ıÝbıleınaıa kóshesindegi 849, 5 metr jolǵa asfalt tóseldi. Al 2024 jyly Menovnoe kentine kóshe joldaryn ortasha jóndeýge qarjy bólinbedi. Osy jyly kent kóshelerine jaryq shamdaryn ornatý qarastyrylmaǵan. Jaryqtandyrý jumystaryn iske asyrý úshin turǵyndar Óskemen qalasy ákimi apparatynyń saıtyndaǵy «Halyq qatysatyn bıýdjet» bólimine ótinim qaldyrý qajet. Ótinim jaýaby joǵarydaǵy kórsetilgen saıtta jarııalanady, - dedi Óskemen qalasynyń turǵyn úı-kommýnaldyq sharýashalyǵy, jolaýshylar kóligi jáne avtomobıl joldary bólimi basshysynyń orynbasary Rashıd Sherýbaev.
Onyń aıtýynsha, jeke turǵyn úı sektorynda halyq qoqysty arnaıy shelekterge tastaıdy. Órt qaýpi týyndamas úshin qoqys konteınerleri qoıylmaıdy.
«Qoqysty shyǵarýǵa arnalǵan sharttar jasasý árbir turǵyn úı ıelerimen jeke-jeke júrgiziledi. Shart jasasý úshin azamattar arnaıy mamandandandyrylǵan uıymǵa júginýi qajet. Qoqys shyǵarýǵa jaýapty uıym – «Óskemen Tazalyq» JShS. Qatty turmystyq qaldyqtardy ýaqtyly shyǵarý boıynsha turǵyndarmen kúndelikti jumystar júrgiziledi. Qoıylǵan qoqys konteınerleri tolyp ketý faktileri anyqtalǵan jaǵdaıda, aldymen fototúsirilim júrgizilip, keıinnen arnaıy mobıldi qosymshadaǵy topqa jiberiledi», - dedi R.Sherýbaev.