Óskemendegi qolaısyz meteorologııalyq jaǵdaı qarasha aıynyń sońyna deıin sozylady

<p>ÓSKEMEN. KAZINFORM &ndash; Óskemen qalasynda aýa sapasynyń buzylýyna sebep bolyp turǵan qolaısyz meteorologııalyq jaǵdaı qarasha aıynyń sońyna deıin sozylady.&nbsp;ShQO ekologııa departamenti baspasóz qyzmetiniń málimetine súıensek, qalada erteń de qolaısyz meteorologııalyq jaǵdaı kútiledi. Sondyqtan halyqqa áli de dalaǵa kóp shyqpaýǵa keńes berildi.&nbsp;</p>

«Óskemende 20 qarashadan beri qolaısyz meteorologııalyq jaǵdaı qalyptasqan. Osyǵan baılanysty aýa tumandanyp tur. QMJ qarasha aıynyń sońyna deıin sozylady», - deıdi departament basshysynyń mindetin atqarýshy Azamat Táýirbekov.

Aıta keteıik, 29 qarashada shahar mektepterindegi birinshi jáne ekinshi aýysymdaǵy 1-11 synyp oqýshylary onlaın formatqa aýystyrylǵan. 

Eske salsaq, osyǵan deıin Óskemendegi Nazarbaev dańǵylynda ornalasqan Dostyq úıi men Gagarın býlvary kóshesiniń mańyndaǵy turǵyn úılerdiń halqy aýa sapasynyń nasharlap ketkenine shaǵymdanǵan. 

Ekologtar tekserý júrgizgen soń hlorsýteginiń shekti ruqsat etilgen kontsentratsııasynan asyp ketýi tirkelgen. 

Keshe taǵy da óskemendikterdiń aýa sapasyna shaǵymdanǵany habarlandy. 

Búgin qala mektepterinde oqýshylar onlaın formatqa aýystyryldy.