Óskemendegi yqshamaýdan halqy 30 jyl boıy jaryq pen sýsyz kele jatyr
Aýdandy sýmen qamtamasyz etý jobasy osydan 3 jyl buryn aıaqtalýy kerek edi. Іs júzinde 2 mlrd teńge jumsalyp, barlyq jumys atqaryldy. Tek abonentterdi qosý múmkin bolmaı shyqty. Taýly jerdegi sý nasossyz úılerge jetpedi.
2021 jyly aýdanǵa elektr qýatyn tartý jumystary bastaldy. Biraq merdiger - elektr qosalqy stantsııalaryn shyǵaratyn «Kemont» AQ 2023 jyly jyly aıaqtalýy tıis jumysty sozbalańǵa salyp jiberdi.
Qalalyq qurylys bólimi merdigerdi sotqa berdi. Kompanııa qaıta qurylymdaý jasap, basshylyqty aýystyrdy. Nátıjesinde sot otyrysynda sheneýnikter men kompanııa ókilderi bitimgerlik kelisimge keldi. Endi birinshi kezekte halyqty tez arada elektr qýatymen qamtamasyz etý kerek.
- Qazir kelisimshartty buzatyn bolsaq ol belgili bir ýaqytty alady. Qurylys-montajdaý jumystaryn aıaqtaý baǵasyn qaıta esepteý qajet bolady. Al 3 jyldyń ishinde baǵa ósip ketti. Bul joba qunynyń qymbattaýyna ákelýi múmkin. Bizge konkýrstyq rásimderdi qaıta ótkizýge týra keledi. Sonyń saldarynan joba 2026 jylǵa deıin sozylýy múmkin, al yqshamaýdan turǵyndary úshin bul óte qolaısyz, - deıdi Óskemen qalalyq qurylys bólimi basshysynyń orynbasary Álisher Beken.
Merdigerlerdiń ózderi de jumysty jalǵastyrýǵa nıetti. Jańa basshylyq merzimderdiń uzartylý sebepterin burynǵy basqarýdyń nasharlyǵy dep túsindirdi. Biraq basty kedergi - sanktsııalar bolǵan. Qosalqy stantsııalarǵa eýropalyq jabdyqtardy Reseı arqyly jetkizý múmkin bolmaı qaldy.
- Qazir logıstıka múldem basqa. Eýropalyq elektr jabdyqtaryn óndirýshilerdiń keńsesi Almatyda ornalasqan. Olar Germanııaǵa ótinish jiberedi. Biraq zaýyttardyń ózi Qytaıda ornalasqan, Germanııadan tapsyrystar sol jerge túsedi. Ol bizge emes, teńizdiń arǵy jaǵynan Germanııaǵa qaıtyp keledi. Sodan keıin ǵana Eýropadan Qazaqstanǵa ketedi. Sondyqtan kem degende 160 kún kútý kerek. Endi kútý ýaqytyn qysqartý úshin basqa jetkizýshilerdi taptyq, - deıdi merdiger kompanııanyń dırektorlar keńesiniń jańa tóraǵasy Bolat Syptaev.
Aıta ketý kerek, yqshamaýdanda elektrlendirý boıynsha barlyq qurylys jumysy aıaqtalyp, baǵanalar qoıylǵan. 40 qosalqy stantsııanyń irgetasy túgel qalandy. Zaýyt qazir 3 qosalqy stantsııa jasap jatyr, al jeltoqsanǵa deıin taǵy 7 stantsııa salynady.
Eske salsaq, osyǵan deıin óskemendikterdiń № 1 emhananyń jaǵdaıyna shaǵymdanǵany habarlanǵan.