4 aqpanda Shyǵys Qazaqstan oblysy ekologııa departamentiniń mamandary, «Óskemen tynysy» ekologııalyq bıýrosynyń ókilderi jáne «Baıtaq» partııasynyń ShQO fılıalynyń músheleri Óskemende aýa sapasyn tekserdi.
- Qala boıynsha qolaısyz meteorologııalyq jaǵdaı jarııalanǵan. Soǵan baılanysty soltústik aýdandardaǵy ónerkásiptik nysandardyń sanıtarlyq-qorǵaý aımaqtarynda aýa sapasyn ólsheý jumystary júrgizildi. Sonyń nátıjesinde keıbir zııandy zattardyń ruqsat etilgen shekten asyp ketkeni anyqtaldy. Osyǵan baılanysty ekologııa departamenti aýany lastaýshy kásiporyndarǵa qatysty jospardan tys tekserý júrgizýdi bastaıdy, - dep habarlady departamenttiń baspasóz qyzmetinen.
Aýa jaǵdaıyna jedel monıtorıng jasap otyrý úshin osyndaı tekserýler turaqty túrde júrgizilmek.
Eske salsaq, osyǵan deıin ShQO-da Ekologııa departamentiniń eki basshysy paramen ustalǵany habarlanǵan.