Óskemende júıkege áser etetin zattardy satýmen aınalysqan 48 jastaǵy farmatsevt ustaldy
ShQO Polıtsııa departamenti baspasóz qyzmetiniń málimetine súıensek, Novatorov kóshesindegi kópqabatty úı turǵyndary dárihanada kámeletke tolmaǵandarǵa «tramadol», «tropıkamed» preparattary retseptsiz satylyp jatqandyǵy týraly aryzdanǵan. Soǵan oraı Esirtki qylmysyna qarsy is-qımyl basqarmasynyń qyzmetkerleri satyp alýshynyń keıpine enip atalǵan dárihanaǵa bardy. Farmatsevt olarǵa «tropıkamed» preparatyn 1200 teńgege satqan.
«Polıtsııa qyzmetkerleri 48 jastaǵy farmatsevtti ustap, odan 11 dana «tropıkamed» jáne 2 «Tramadol» preparattaryn tárkiledi. Jınalǵan materıal QR ÁQBtK-niń 426-baby boıynsha dárihana ıesin ákimshilik jaýapqa tartý úshin Medıtsınalyq farmatsevtıkalyq baqylaý komıtetiniń oblystyq departamentine joldandy», - delingen aqparatta.
Jyl basynan beri óńirde farmatsevtıkalyq qyzmet erejesin buzýdyń 5 faktisi anyqtalǵan. Salynǵan aıyppuldyń jalpy mólsheri – 1 805700 teńgeni qurady.