Óskemende júk kóligin jóndetpek bolǵan er adam alaıaqqa 4 mln teńge bergen

ÓSKEMEN. QazAqparat – Óskemen qalasynda júk kóligin jóndetpek bolǵan er adam alaıaqqa 4 mln teńge bergen, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, 43 jastaǵy Óskemen qalasynyń turǵyny tártip saqshylaryna habarlasqan. Óz sózinde ol alaıaqqa aldanyp qalǵanyn jetkizdi.

«Er adam júk kóligin jóndep beretindigin aıtqan tanysyna 4 mln teńge bergen. Alaıda, birshama ýaqyt ótse de kóligi de jóndelmeı, aqshasy da qaıtpady. Jedel-izdestirý sharalaryn júrgizý barysynda polıtseıler kúdiktini qolǵa túsirdi», - delingen aqparatta.

Jaýap alý barysynda 39 jastaǵy óskemendik óz kinásin tolyqtaı moıyndaǵan. Alaıda aqshany qaıtaryp alý múmkin bolmady.

Qazirgi ýaqytta atalǵan fakti boıynsha QR QK-niń 190-baby 3-bóligimen sotqa deıingi tergeý amaldary júrgizilýde.