Óskemende joǵalyp ketken 10 jasar qyz tabyldy
Qalalyq Polıtsııa basqarmasy baspasóz qyzmetiniń málimetine súıensek, 24 naýryzda «102» jedel arnasyna 34 jastaǵy jergilikti turǵyn qońyraý shalǵan. Óz sózinde ol kámelettik jasqa tolmaǵan qyzynyń joǵalyp ketkenin habarlaǵan.
Áıeldiń aıtýynsha, 10 jastaǵy balasy tańerteń mektepke qosymsha sabaqqa barǵan. Biraq sabaq aıaqtalǵannan keıin úıge oralmady. Synyptasy qyzdyń mektepten shyǵyp, belgisiz baǵytta jaıaý ketip qalǵanyn aıtqan.
«Balanyń qaıda ekenin anyqtaý maqsatynda jedel-izdestirý toby men Soljaǵalaý PB barlyq jeke quramy dabyl boıynsha dereý attandy. Qabyldanǵan sharalar nátıjesinde, joǵalǵan qyz qaladaǵy saýda úıleriniń birinen tabylǵan. Qazirgi ýaqytta ol úıine jetkizildi», - dedi basqarma bastyǵy Andreı Mýla.
Belgili bolǵandaı, oqýshy mektepten keıin ata-anasyna eskertpeı dúken aralap ketken. Al uıaly telefony úıde qalǵandyqtan habarlasa almaǵan.