Óskemende jylý aqysy qymbattady

<p>ÓSKEMEN. KAZINFORM &ndash; Óskemen qalasynda jylý aqysynyń ne sebepti qymbattaǵanyn Tabıǵı monopolııalardy retteý komıtetiniń ShQO boıynsha departamentinen túsindirip berdi.&nbsp;</p>

Qalada osy aıdan bastap jylý aqysy 7,8 paıyzǵa qymbattady. Sondaı-aq jylýdyń quny turǵyn úıdiń jalpy aýmaǵyna, eseptegish quraldardyń bolýyna jáne úıdiń tozý deńgeıine baılanysty esepteletin boldy.

Bunyń sebebin Tabıǵı monopolııalardy retteý komıtetiniń ShQO boıynsha departamenti basshysynyń mindetin atqarýshy Jumagúl Músipova túsindirip berdi. Onyń aıtýynsha, ózgeristerge «Shyǵys-jylý» mekemesi qyzmetkerleri eńbekaqysynyń kóterilgendigi áser etken. Zań boıynsha qyzmetkerlerdiń jalaqysy ótken jyldaǵy ortasha respýblıkalyq deńgeıden tómen bolmaýy kerek.

«Osy jyldyń maýsym aıynda 2023 jyldyń statıstıkalyq málimetteri jarııalandy. Soǵan sáıkes óndiristik personaldyń ortasha aılyq jalaqysy 306 myń teńgeni, al ákimshilik personaldyń jalaqysy 494 myń teńgeni quraıdy. Al qaladaǵy jylý kompanııasynda óndiris qyzmetkerleriniń jalaqysy 26 paıyzǵa, al ákimshilik personaldyń jalaqysy 22 paıyzǵa ósip otyr. Jylýmen qamtý mekemesinde jalaqyny kóterý qajetti shara. 2024 jyldyń qazan aıyna deıin osyndaǵy óndiris qyzmetkerleri 242 myń teńge mólsherinde ǵana eńbekaqy alyp kelgen», - deıdi Jumagúl Músipova. 

Eske salsaq, osyǵan deıin Aqtóbede turǵyndar jylý tarıfin páterdiń ár sharshy metrine tóleýge qarsy shyqqany habarlanǵan.