Óskemende jelden elektr symy úzilip, ákesi men balasy kóz jumdy
12:01, 03 Tamyz 2022
ÓSKEMEN. QazAqparat – Óskemen qalasynda qatty jelden elektr symy úzilip, ákesi men balasy kóz jumdy, dep habarlaıdy QazAqparat tilshisi.
Oqıǵa 17 shilde kúni Chernov kóshesinde bolǵan. Qatty jelden elektr symy úzilip ketken. Aldyn ala derek boıynsha, 74 jastaǵy er adam men 49 jastaǵy uly symdardy qozǵamaq bolǵan kezde toq soǵyp, ekeýi de sol jerde kóz jumǵan.
ShQO polıtsııa departamenti baspasóz qyzmetiniń málimetine súıensek, atalǵan fakti boıynsha sotqa deıingi tergeý amaldary bastaldy.
«Qazirgi ýaqytta tıisti saraptamalar taǵaıyndaldy. Sonyń qorytyndysy boıynsha protsessýaldyq sheshim qabyldanady. Ózge aqparat tergeý múddesine sáıkes jarııa etilmeıdi», - dep habarlady vedomstvo ókilderi.