Óskemende jastarǵa keńes berý ortalyǵy ashyldy

ÓSKEMEN. QazAqparat - Óskemen qalasynda jastarǵa keńes berý ortalyǵy ashyldy, dep habarlaıdy QazAqparat.

Ortalyqtyń ashylýyna «Jas Otan» jastar qanatynyń Shyǵys Qazaqstan oblystyq fılıaly muryndyq bolyp otyr. Mundaǵy maqsat – jastardyń ózekti máselelerin sheshý, aqparattyq qoldaý, turǵyn úı, jumyspen qamtý syndy máseleler boıynsha tegin keńes berý.

«Bul ortalyqta turǵyn-úı qurylys jınaq banki, jumyspen qamtý bólimi, polıtsııa, sybaılas jerqorlyqqa qarsy qyzmet, jastar ortalyǵy, kásipkerlik jáne densaýlyq saqtaý salasynyń ókilderi shoǵyrlanǵan. Sondaı-aq zańgerler men psıhologtar da bar. Olar ár aptanyń seısenbi men juma kúnderi aralyǵynda turǵyndardy qabyldap, kez kelgen suraqtarǵa jaýap berýge ázir», – deıdi «Jas Otan» jastar qanatynyń ShQOF tóraǵasy Marjan Baqyt.

Jastarǵa keńes berý ortalyǵy Dos-Nar bazarynyń ekinshi qabatynda ornalasqan.