Óskemende jastarǵa arnalǵan úlken mádenı ortalyq ashylady

NUR-SULTAN. QazAqparat - Óskemende jastarǵa arnalǵan úlken mádenı ortalyq ashylady. Bul týraly ShQO ákimi Danıal Ahmetov pen Óskemen qalasynyń ákimi Jaqsylyq Omardyń 19-shy shaǵyn aýdannyń turǵyndarymen kezdesýi barysynda belgili boldy, dep habarlaıdy oblystyq ákimdiktiń baspasóz qyzmeti.

Danıal Ahmetovtiń tapsyrmasy boıynsha, Óskemenniń 19-shy shaǵyn aýdanynda jastarǵa arnalǵan úlken mádenı keshen salý josparlanýda, onda birneshe murajaı, kınoteatr, zamanaýı oqý ortalyqtary jáne bos ýaqytty tıimdi ótkizýge múmkindik beretin basqa da obektiler ornalastyrylatyn bolady.

«Bizge qalanyń barlyq turǵyndary men qonaqtary baratyn obekt qajet. Adamdar úlken sýburqaqtyń janyndaǵy basty alańda ǵana jınalmaýy tıis. Komendantka aýmaǵynda jaqsy alań paıda boldy, sonymen qatar bizde jaıaý júrginshiler kóshesi bar. Endi 19-shy shaǵyn aýdanda da úlken nysan bolýy kerek. Eń aldymen, bizdiń balalarymyz úshin. Munda keremet tarıhı murajaı bolýy kerek, óıtkeni bizde aýqymdy arheologııalyq qazba jumystary júrip jatyr», – dep atap ótti aımaq basshysy.