Óskemende jasóspirimder avtobýs aqysyn jeńildikpen tóleıdi

<p>ÓSKEMEN. KAZINFORM &ndash; Óskemen qalasynda 15-18 jas aralyǵyndaǵy jasóspirimder avtobýs aqysyn jeńildikpen tóleıdi.</p>

Óskemende avtobýs aqysy – 90 teńge. Buryn 15 jasqa deıingi balalar 45 teńge tóleıtin. Endi 15-18 jas aralyǵyndaǵy jasóspirimderge de jeńildetilgen tarıf engizildi. Bul maqsatta jergilikti bıýdjetten qarajat bólingen.

«Osyndaı jeńildik avtobýstar men tramvaılarda jasaldy. Ol úshin jasóspirimderge arnaıy karta alý kerek. Kartany alý úshin ótinish jazyp, jeke basyn kýálandyratyn qujatty nemese týý týraly kýálikti, oqý ornynan anyqtamany jáne 3h4 nemese 4h5 fotosýretin ótkizý qajet», - dedi ShQO Jolaýshy kóligi jáne avtomobıl joldary basqarmasy basshysynyń orynbasary Aıjan Rahymbaeva.

Qajetti anyqtamalar eGov portalynda jáne eGov mobıldi qosymshasynda qoljetimdi. Al ótinishti Jibek joly kóshesi, 3 mekenjaıyna kelip jazý kerek.