Óskemende janjaldasqan oqýshylardyń biri ekinshisine pyshaq saldy

<p>ÓSKEMEN. KAZINFORM - Óskemen qalasyndaǵy mektepte eki oqýshynyń arasynda janjal týyndap, biri ekinshisine pyshaq suqqan.</p>

Oqıǵa búgin qaladaǵy orta mektepterdiń birinde bolǵan. Eki oqýshy ózara eregesip qalǵan. Sol kezde jasóspirimderdiń biri qaltasynan jınalmaly pyshaq alyp, qarsylasyna suǵyp jiberdi.

Ol ózine de abaısyzda dene jaraqatyn keltirgen. ShQO polıtseıleri buzaqylyq faktisi boıynsha sotqa deıingi tergeýdi bastady.

«Qazirgi ýaqytta istiń barlyq mán-jaıy anyqtalýda. Baqylaý kameralarynyń beınejazbalary zerttelýde. Qaýipsizdik sharalaryn kúsheıtý boıynsha profılaktıkalyq jumystar júrgizildi. QR QPK-niń 201-babyna sáıkes basqa aqparat jarııalaýǵa jatpaıdy», - dep habarlady ShQO Polıtsııa departamentiniń baspasóz qyzmetinen.