Óskemende zańsyz júrgen 12 ózbekstandyq jaýapqa tartyldy

ÓSKEMEN. QazAqparat – Óskemen qalasynda zańsyz jumys istegen 12 ózbekstandyq anyqtaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, kóshi-qon qyzmetiniń mamandary Óskemenge eńbek etýge kelgen sheteldikterdi teksergen.

«Ózbekstan Respýblıkasynyń 12 azamaty ýákiletti memlekettik organnyń tıisti ruqsatynsyz zańsyz jumys istegen. Olar QR Ákimshilik quqyq buzýshylyq týraly kodekstiń 517-baby 4, 5-bólikteri boıynsha ákimshilik jaýapkershilikke tartyldy», - delingen aqparatta.

Al jumys berýshi ÁQBtK-niń sheteldik jumys kúshin zańsyz tartý jáne sheteldikterdiń bolýy týraly habarlamaý baptary boıynsha jaýapqa tartyldy. Endi ol 30 AEK (103 500 teńge) mólsherinde aıyppul tóleıdi.

Jyl basynan Shyǵys Qazaqstan aýmaǵynda ruqsat beretin qujattarsyz júmys istegen 40 sheteldik azamat anyqtaldy.