ÓSKEMEN. KAZINFORM - Óskemen qalasynda voleıboldan áıelderdiń ulttyq lıga komandalary arasynda Qazaqstan chempıonaty alǵashqy týrynyń oıyndary máresine jetti.
Óskemenniń "Berel" komandasy barlyq kezdesýin jeńispen támamdap, 19 upaımen birinshi orynǵa shyqty.
Rıshat Gılıazýtdınovtiń shákirtteri sońǵy oıynynda "Aqtóbeni" 3:0 (25:12, 25:15, 25:13) esebimen oısyrata utty.
Sýperkýbokty utyp alyp, chempıonatty sátti bastaǵan "Jetisý" (Taldyqorǵan) komandasynyń da qorjynynda 19 upaı bar. Biraq olar ózara kezdesýde "Berelden" utylǵandyqtan, ekinshi satyǵa ornalasty.
El chempıony "Turan" (Túrkistan) búgin Pavlodardyń "Ertisin" 3:0 (25:18, 25:10, 25:21) esebimen jeńgenimen, 13 upaı jınap, ázirge 5-orynnan joǵary kóterile almady.
Ekinshi týr oıyndary da aldaǵy jeltoqsan aıynda Óskemende ótedi.
Eske sala keteıik, budan buryn "Gratsııa KZ" komandasynyń "Arý-Astanany" utyp ketkenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).