Óskemende vıdeotirkeý júıesi ornatylady

ÓSKEMEN. QazAqparat - Shyǵys Qazaqstan oblysynda memlekettik-jekeshelik áriptestik aıasynda vıdeotirkeý júıesin ornatý josparlanýda. Bul joba oblystyq ákimdikte ótken jıynda qaraldy, dep habarlaıdy «QazAqparat» HAA tilshisi.

«Vıdeotirkeý júıesin jol júrý erejelerin buzýshylyqty tirkeý úshin qalanyń qozǵalysy kóp jol qıylystaryna ornatý josparlanǵan. Tólengen aıyppuldar shyǵyndardy óteýge jáne qurylǵylar alýǵa jumsalady», - delindi ákimdikte ótken jıynda.

Joba júzege asyrylǵan jaǵdaılarda júrgizýshilerdiń jazadan qashyp qutylýy qıynǵa soǵady. Bul júıe óz kezeginde tártip ornatyp, jol apattaryn aldyn alýǵa jáne jol oqıǵasynan zardap shegýshiler sanyn azaıtýǵa múmkindik beredi.