Óskemende vaktsına saldyrǵan balalar arasynda baǵaly syılyqtar oınatylady

ÓSKEMEN. QazAqparat – Óskemen qalasynda koronavırýsqa qarsy ekpe saldyrǵan balalar arasynda baǵaly syılyqtar oınatylady, dep habarlaıdy QazAqparat tilshisi.

Qala ákimdiginiń málimetine súıensek, utys oıyny COVID-19 ınfektsııasyna qarsy «Pfizer» vaktsınasynyń I komponentin 15 qarasha men 29 jeltoqsan aralyǵynda saldyrǵan balalar men jasóspirimder arasynda ótkiziledi.

Qatysýshylar Iphone13 uıaly telefonyn, AirPods qulaqqabyn, AppleWatch smart saǵatyn utyp alyp, oqý úlgerimi jaqsy bolǵan jaǵdaıda S.Amanjolov atyndaǵy ShQÝ, Qazaqstan-Amerıkandyq erkin ýnıversıtetine jáne ShQTÝ kolledjine grantqa oqýǵa qabyldanady.

«Utys oıynyna qatysý úshin vaccine-uk.kz saıtyna kirip, tolyq aty-jónińizdi, uıaly telefon nómirińizdi jáne vaktsına alǵan jerdi kórsetýińiz kerek. Talap boıynsha qatysýshy Óskemendegi emhanalardyń birine tirkelgen bolýy shart. Jeńimpaz 30 jeltoqsanda saǵat 18.00-de áleýmettik jelidegi tikeleı efırde anyqtalady», - delingen aqparatta.