Óskemende vaktsına alǵandar arasyndaǵy lotereıaǵa qatysqan vahter kólik utty
Qala basshysy Jaqsylyq Omar vaktsına alǵandar arasyndaǵy utys oıynynyń jeńimpazyna avtokólik kiltin tabys etti.
«Qaýipti dertti jeńýdiń birden bir joly – vaktsına. Búgingi tańda Óskemen halqy arasynda ekpe saldyrǵandar az emes. Olardyń sanyn odan saıyn kóbeıtý maqsatynda lotereıa uıymdastyrdyq», - dedi ol.
Chevrolet Nexia avtokóliginiń utys oıyny 5 qyrkúıekte ótti. Oǵan 30 myńǵa jýyq turǵyn qatysqan. Barlyq protsessti qoǵamdyq komıssııa baqylady. Jeńimpaz atanǵan Nadejda Mıasoed №36 mektepte vahter bolyp jumys isteıdi. Áıel adam óz sózinde jeńimpaz bolatynyna senbegenin, kólik júrgize almaıtynyn jetkizdi.
«Shynymdy aıtsam, osyǵan deıin mundaı lotereıalarda jeńimpaz bolyp kórmeppin. Qýanyshymda shek joq! Sý jańa avtokólikti ulyma berdim. Ózim Spýtnık V vaktsınasynyń eki komponentin de aldym. Eshqandaı jaǵymsyz áserler bolmady», - deıdi qala turǵyny.