Óskemende úshinshi jyl qatarynan «Altai Invest» halyqaralyq forýmy ótedi

ÓSKEMEN. QazAqparat -26 shildede Óskemende úshinshi jyl qatarynan «Altai Invest-2018» halyqaralyq kásipkerler forýmy ótedi. Oǵan álemniń 18 memleketinen delegattar qatysady, dep habarlaıdy QazAqparat tilshisi.

Qytaı, Reseı, AQSh, Ulybrıtanııa, Iran sııaqty 18 memleketten jınalǵan 300-den astam ókil Shyǵys Qazaqstannyń ınvestıtsııalyq tartymdylyǵyna baǵa bermek.  Delegatsııalar quramynda álemniń jetekshi qarjy ınstıtýttarynyń, dıplomatııalyq korpýstardyń, memlekettik organdardyń ókilderi bolady dep josparlanýda. 

«Forým kásipkerler arasynda tájirıbe almasý, oblystaǵy bıznes ortany jaqsartý máselelerin sheship, óńirdi damytýǵa baǵyttalǵan úzdik ınvestıtsııalyq jobalardy usynýdy maqsat tutady. Shara aıasynda «V2V» formatyndaǵy  kezdesýler uıymdastyrylmaq. Sondaı-aq,  ózekti máseleler boıynsha roýd-shoý ótkizilip, ınvestıtsııalyq jobalar kórmesi usynylady», - delingen kásipkerlik jáne ındýstrııalyq-ınnovatsııalyq damý basqarmasynyń aqparatynda.

Sheteldik ınvestorlarǵa usynylatyn jobalar  ónerkásip, energetıka jáne turǵyn úı-kommýnaldyq sharýashylyǵy, agroónerkásiptik keshen sııaqty salalaryn qamtymaq. 

Forým qorytyndysy boıynsha birqatar memorandýmdar men kelisimderge qol qoıý josparlanýda.