Óskemende Ulystyń uly kúninde 20 myń baýyrsaq taratylady
Óskemende Naýryz meıramy keń kólemde atap ótilmek. 20 naýryzda saǵat 14:00-17:00 aralyǵynda Respýblıka alańynda D.Serikbaev atyndaǵy ShQTÝ, S.Amanjolov atyndaǵy ShQÝ jáne Óner kolledji stýdentteriniń qatysýymen kontsert ótedi.
21 naýryz kúni saǵat 14:00-den 17:00-ge deıin qala turǵyndaryna dál osy jerde «Ertis kontsert» mekemesiniń ónerpazdary tartý jasaıdy. Baǵdarlamada sporttyq oıyndar, saýda-sattyq jáne baýyrsaq taratý bar.
«22 naýryzda ortalyq alańda kıiz úıler qalashyǵy tigilip, altybaqan ornatylady. Merekelik sharalar tańerteńnen keshke deıin jalǵasady. Atap aıtqanda, estrada juldyzdary óner kórsetip, ulttyq taǵamdar men aýyl sharýashylyǵy ónimderiniń jármeńkesi ótedi. Halyqqa 20 myń baýyrsaq taratylyp, sporttyq jarystar uıymdastyrylady», - dep habarlady qala ákimdigi.