Óskemende Úlbi ózeniniń jaǵasynan jas jigittiń máıiti tabyldy

ÓSKEMEN. QazAqparat – Óskemen qalasyndaǵy Úlbi ózeniniń jaǵasynan jas jigittiń máıiti tabyldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetinshe, 19 jastaǵy jigittiń denesi Protozanov kóshesiniń mańyndaǵy Úlbi ózeniniń jaǵasynan tabylǵan.

«Máıitti baıqap qalǵan qala turǵyny «102» jedel arnasyna qońyraý shaldy. Oqıǵa ornyna tártip saqshylary shuǵyl kelip jetti. Er adamnyń naqty neden kóz jumǵanyn ázirge aıta almaımyz. Atalǵan fakti boıynsha tergeý amaldary júrgizilip jatyr, tıisti saraptama taǵaıyndaldy. Ózge aqparat QR Qylmystyq is júrgizý kodeksiniń 201-babyna sáıkes jarııa etilýge jatpaıdy», - delingen aqparatta.

Beıresmı málimetterge súıensek, jas jigit sýıtsıd jasaýy múmkin. Sebebi máıittiń qasynan jip tabylǵan.