Óskemende Túrki jazbalary men mádenıeti kúnderine arnalǵan sharalar ótti
Kóne túrkilik álipbı men túrki halyqtarynyń búgingi mádenıetin nasıhattaýǵa arnalǵan bul is-sharada ejelgi túrki jazýynyń keshegisi men búgingisi talqylanyp, túrkologııadaǵy qordalanǵan máselelerdiń sheshimin tabý joldary izdestirildi.
Іs-shara aıasynda S.Amanjolov atyndaǵy Shyǵys Qazaqstan memlekettik ýnıversıtetiniń májilis zalynda «Túrki jazba mádenıeti: tarıhı taǵlym jáne táýelsizdik murattary» atty respýblıkalyq ǵylymı-teorııalyq konferentsııa ótkizildi. Konferentsııaǵa QR Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń ókilderi, jetekshi túrkolog-ǵalymdar, óner jáne qoǵam qaıratkerleri men BAQ ókilderi qatysty. Konferentsııany S.Amanjolov atyndaǵy ShMQÝ strategııalyq damý jáne ǵylymı jumys jónindegi prorektor, professor B.Erdembekov quttyqtaý sózimen bastap, konferentsııanyń jumysyna sáttilik tiledi.
Konferentsııaǵa qatysýshylar túrki jazbalaryna qatysty túsirilgen beınesıýjetti tamashalap, L. Gýmılev atyndaǵy Eýrazııa ulttyq ýnıversıtetiniń professory, f.ǵ.d. Qarjaýbaı Sartqojaulynyń «Qadym uıǵyr grafıkasymen jazylǵan mátin» atty baıandamasyn qyzyǵa tyńdady. Іs-sharanyń ekinshi bólimi Shyǵys Qazaqstan oblysynyń ólketaný murajaıyndaǵy lektorııge ulasty. Munda tól muramyz bolyp tabylatyn jazba eskertkishterdiń geografııalyq, mazmundyq jáne dáýirlik mánine arnalǵan ǵylymı-tanymdyq sıpattaǵy dáris oqyldy. Konferentsııanyń jabylý rásimi retinde usynylǵan kontserttik baǵdarlama túrki halyqtarynyń óneri men mádenıetine arnaldy.